Для большасці беларусаў сёння першы працоўны дзень пасля некалькіх законных навагодніх выхадных. З якім настроем мінчане ідуць на працу, Sputnik высвятліў гэтай раніцай, зазірнуўшы на адну з галоўных пляцовак навагодніх гулянняў.
Тут жа высветлілася, што для кагосьці трэцяе аказалася ўжо не першым працоўным днём. Так, работнікі "Зелянбуда" правялі на службе ноч з 31 снежня на 1 студзеня і звярнуліся да мінчан і гасцей горада з просьбай - выбірайце феерверкі без серпантына.
"Інакш наступны Новы год будзем сустракаць без траўкі, як вярблюды ў пустыні", - смяецца супрацоўніца "Зелянбуда".
Адзін з работнікаў аэрапорта таксама не змог адпачыць у вялікія выхадныя, але запэўнівае, што настрой у яго, тым не менш, бадзёры і ўзнёслы. Раніцай трэцяга студзеня ён як раз вяртаецца з працы, і тым, у каго сёння першы працоўны дзень, таксама раіць не маркоціцца.
А хтосьці неўзабаве пасля святочнай навагодняй ночы бяжыць здаваць залік, ды не просты, а па акрабатыцы. Суразмоўніца Sputnik так ацаніла жэст дзяржавы, якая прапанавала зрабіць 2 студзеня выхадным, што далучылася да просьбы многіх і папрасіла дазволіць у наступны раз адпачыць яшчэ і 3 студзеня.
Як мінчане сустракаюць першы працоўны дзень і як зараз выглядае галоўнае месца навагодніх гулянняў сталіцы, глядзіце на відэа Sputnik.