МІНСК, 10 сту - Sputnik. Беларускае прадпрыемства "Белспецзнештэхніка" пачало вырабляць першыя айчынныя баявыя патроны, першая партыя якіх ужо сышла на экспарт у адну з еўрапейскіх краін.
Першая патронная вытворчасць у Беларусі знаходзіцца ў Аршанскім раёне. У адпаведнасці з планам абароны і Канцэпцыі будаўніцтва і развіцця УС да 2030 года, якія зацвердзіў прэзідэнт, адным з найважнейшых складнікаў ваеннай бяспекі з'яўляецца наяўнасць сучасных узбраенняў і сродкаў вядзення ўзброенай барацьбы.
"(...) першыя партыі патронаў зроблены на экспарт і ўжо пастаўленыя заказчыку. Гэта спартыўна-паляўнічыя боепрыпасы калібраў 7,62х54, 7,62х39 і 9х19. Пакупнік задаволены. Чакае адпраўкі чарговая вялікая партыя", - прыводзіць словы гендырэктара дзяржаўнага прадпрыемства "Белспецзнештэхніка" Аляксея Скрагі газета "СБ.Беларусь Сегодня".
Паводле яго слоў, на прадпрыемства рэгулярна прыязджаюць замежныя дэлегацыі для знаёмства з прадукцыяй. "(...) заказы ўжо ёсць на гады наперад. Лінейку гэтых вырабаў будзем пашыраць пад заказчыка, такая магчымасць ёсць", сказаў гендырэктар.
Што тычыцца абсталявання, на якім прадпрыемства выпускае патроны, Скрага паведаміў, што прадукцыйнасць аднаго тыпу станкоў - 2400 патронаў у гадзіну, іншага - 3550. Паводле яго слоў, усяго на прадпрыемстве крыху больш за 10 станкоў, што дазваляе палічыць аб'ёмы выпуску гэтай прадукцыі ў цяперашні час.
"Мы можам цалкам забяспечыць ўласныя патрэбы ў патронах па ўсіх напрамках - спартыўныя, паляўнічыя для наразной зброі, баявыя і, калі спатрэбяцца, будаўнічыя. Ну і, вядома, пастараемся абавязкова пашырыць геаграфію замежных паставак", - сказаў ён.
Паводле слоў гендырэктара, беларускія патроны адпавядаюць сусветным стандартам, але ў сілу розных прычын яны значна танней для ўнутранага спажывання і больш прывабныя для замежнага пакупніка.
"Першая партыя, у якой больш за пяць мільёнаў штук, сышла ў адну з еўрапейскіх краін", - сказаў Скрага.