МІНСК, 20 сту - Sputnik. Паўднёвакарэйскі фільм "Паразіты" атрымаў галоўную ўзнагароду Гільдыі кінаакцёраў ЗША за лепшы акцёрскі склад, паведамляе Sputnik.
Чарговую прэмію фільм рэжысёра Пон Чжун Хо атрымаў на 26-й штогадовай цырымоніі ўручэння прэміі Гільдыі кінаакцёраў ЗША 19 студзеня ў Лос-Анджэлесе. Да гэтага карціна паўднёвакарэйскага рэжысёра заваявала "Залатую пальмавую галіну" на Канскім кінафестывалі і стала лаўрэатам "Залатога глобуса".
За ўзнагароду за лепшы акцёрскі склад разам з "Паразітамі" змагаліся фільмы "Ірландзец", "Аднойчы ў Галівудзе", "Скандал" і "Трус Джоджо". Характэрна, што паўднёвакарэйская карціна стала першай замежнай стужкай, якая заваявала прыз акцёрскай гільдыі ЗША.
Узнагароды SAG Awards уручылі таксама лепшым акцёрам. Прэміі за лепшую мужчынскую ролю ганараваўся Хаакін Фенікс, які сыграў у фільме "Джокер". Узнагароду за лепшую мужчынскую ролю другога плана атрымаў Брэд Піт за фільм "Аднойчы ў Галівудзе".
Лепшай актрысай па версіі Гільдыі кінаакцёраў ЗША стала Рэнэ Зелвегер, якая сыграла ў фільме "Джудзі". За гэтую ж ролю актрыса ўжо удастоілася "Залатога глобуса" і стала намінантка на прэмію "Оскар". У катэгорыі "Лепшая жаночая роля другога плана" лепшай была прызнаная Лора Дзёрн, журы ацаніла яе ігру ў драме "Шлюбная гісторыя".