МІНСК, 27 сту - Sputnik. Беларуска-славацкая пара Аляксандра Сасновіч - Вікторыя Кужмова завяршыла выступ у парным разрадзе Адкрытага чэмпіянату Аўстраліі.
Тэнісісткі ў матчы трэцяга круга прайгралі венгерцы Тымеа Бабош і Крысціне Младзеновіч, якая выступае за Францыю - 6:7 (4:7), 3:6.
Другая беларуская тэнісістка - Арына Сабаленка, якая выступае ў пары з бельгійкай Элізай Мертэнс - сёння раніцай адолела сеяных трынаццатымі Вераніку Кудзярметаву (Расія) і Элісан Рыск (ЗША) і выйшла ў чвэрцьфінал спаборніцтваў.
Раней абедзве беларускі выбылі са спаборніцтваў у адзіночным разрадзе.