МІНСК, 8 лют - Sputnik. Беларусь будзе закупляць расійскі газ на ўмовах 2019 года, пра гэта заявіў журналістам намеснік кіраўніка адміністрацыі прэзідэнта РФ Дзмітрый Козак.
Прэзідэнты Беларусі і Расіі Аляксандр Лукашэнка і Уладзімір Пуцін правялі ў пятніцу сустрэчу, на якой акрамя пытанняў інтэграцыі і ўзаемадзеяння ў рамках Саюзнай дзяржавы абмеркавалі пастаўку расійскіх энерганосьбітаў у Беларусь.
"Што тычыцца супрацоўніцтва ў нафтагазавай сферы, таксама мы дамовіліся захаваць умовы пастаўкі газу на ўмовах 2019 года, і будзем дзейнічаць у гэтым ключы", - падкрэсліў Козак.
Ён дадаў, што гэтыя ўмовы будуць дзейнічаць толькі на працягу ўсяго 2020 года.
У праекце рэспубліканскага бюджэту на 2020 год кошт на расійскі газ для Беларусі закладзены на ўзроўні 2019-га, што складае 127 долараў за 1 тысячу кубічных метраў.
У канцы 2019 года "Газпром" і Беларусь падпісалі пратакол аб коштах на газ на студзень-люты 2020 года і дадаткі да кантрактаў на транзіт і пастаўку паліва, якія падаўжаюць іх да 2021 года. Згодна з падпісаным дакументам, кантрактныя аб'ёмы паставак і транзіту ў 2020 годзе захаваны на ўзроўні 2019 года.