МІНСК, 13 лют - Sputnik. Неабходна забяспечыць стопрацэнтнае выключэнне ўжывання допінгу беларускімі спартсменамі. Такую задачу паставіў намеснік прэм'ер-міністра Ігар Петрышэнка, паведамілі ў прэс-службе ўрада.
Пасяджэнне калегіі Міністэрства спорту і турызму праходзіць у Мінску ў чацвер.
"Кожны, хто мае дачыненне да падрыхтоўкі спартсменаў, павінен разумець, што ўжыванне допінгу - гэта не толькі яго асабістая адказнасць. Кожны такі выпадак - удар па іміджы дзяржавы на міжнароднай спартыўнай арэне. І аднавіць яго вельмі складана", - падкрэсліў віцэ-прэм'ер.
Петрышэнка паставіў задачу ўзмацніць кантроль, асабістую адказнасць спартсменаў, трэнераў, кожнага члена каманды і забяспечыць 100%-е выключэнне ўжывання допінгу, "у тым ліку выпадковае".
Ён таксама адзначыў, што ў рэспубліцы створаны ўсе ўмовы для годнай падрыхтоўкі да Алімпійскіх гульняў, цяпер слова за спартоўцамі: псіхолагам і трэнерам трэба данесці да іх, што яны павінны не проста пацвердзіць свой лепшы вынік, а перамагчы.