МІНСК, 19 лют - Sputnik. Прэзідэнт Беларусі Аляксандр Лукашэнка павіншаваў народнага артыста Расіі Юрыя Антонава з юбілеем, паведамілі ў прэс-службе кіраўніка дзяржавы.
Беларускі лідар адзначыў талент музыканта, які зрабіў яго адным з любімых артыстаў некалькіх пакаленняў людзей з постсавецкай прасторы.
"Прыродная здольнасць, бязмежная адданасць сцэне набылі вам заслужаную любоў і павагу публікі і калегаў, знайшлі жывы водгук у сэрцах мільёнаў прыхільнікаў з розных краін. Застаючыся на працягу многіх гадоў прызнаным мэтрам сучаснай эстрады, вы ўнеслі неацэнны ўклад у развіццё музычнага мастацтва", - заявіў Лукашэнка.
Прэзідэнт Беларусі перакананы, што творчасць Юрыя Антонава і ў будучыні будзе садзейнічаць умацаванню дружбы і культурнага супрацоўніцтва паміж народамі Беларусі і Расіі.
Вядома, што адзначаць саве 75-годдзе артыст не плануе, а яго юбілейны канцэрт перанесены на нявызначаны тэрмін. Гэта звязана са станам яго здароўя: нядаўна Антонаў перанёс аперацыю на назе і цяпер праходзіць рэабілітацыю.
Аўтар хітоў і народны артыст
Юрый Антонаў нарадзіўся 19 лютага 1945 года ў Ташкенце ў сям'і ваеннага, які служыў пасля заканчэння Вялікай Айчыннай вайны ў ваеннай адміністрацыі Берліна. Пазней яго бацьку перавялі ў Беларусь. Займацца музыкай артыст пачаў у музычнай школе ў Маладзечне, пасля заканчэння якой паступіў у Маладзечанскае музычнае вучылішча. У 14 гадоў ён стаў кіраваць хорам.
У 1963 годзе пасля заканчэння музвучылішча Антонаў працаваў выкладчыкам музыкі ў дзіцячай музычнай школе ў Мінску, затым - салістам-інструменталістам ў Белдзяржфілармоніі. У 1969 годзе яго запрасілі на працу ў папулярны ленінградскі ВІА "Поющие гитары". У гэтым калектыве ён стаў вакалістам, у ім жа прагучалі першыя песні яго аўтарства.
У 70-гады музыка граў у ВІА "Поющие гитары" і ВІА "Добры молодцы". Славу артысту прынесла супрацоўніцтва з гуртом "Аракс". Міні-альбомы з песнямі на музыку Антонава "Золотая лестница", "Я вспоминаю", "Не забывай", "Вот как бывает", "Крыша дома твоего" разышліся накладам больш за 20 мільёнаў копій.
У канцы 80-х гадоў Антонаў пачаў сольную кар'еру. За ўвесь час кампазітар і спявак выпусціў больш за 50 дыскаў. Ён стаў аўтарам музыкі да фільмаў "Беражыце жанчын", "Перш, чым расстацца", "Салон прыгажосці", "Загад" ды іншых. Музыкант удастоены звання "Народны артыст Расіі", у 2010 годзе яго ўзнагародзілі ордэнам Ордэн Францыска Скарыны за ўклад ва ўмацаванне дружбы паміж народамі Беларусі і Расіі.