МІНСК, 26 лют - Sputnik. Экс-першая ракетка свету расіянка Марыя Шарапава аб'явіла аб завяршэнні кар'еры, піша часопіс Vanity Fair.
"Тэніс - я развітваюся", - напісала спартсменка ў сваім эсэ, размешчаным на сайце выдання.
Бягучы сезон расіянка, якая займае ў рэйтынгу WTA 337-е месца, пачала з турніру ў аўстралійскім Брысбене, дзе не змагла прайсці далей першага раунда. Затым быў Адкрыты чэмпіянат Аўстраліі (Australian Open): Шарапава пакінула спаборніцтвы таксама пасля першага круга, саступіўшы 23-гадовай харватку Донне Векіч.
За сваю кар'еру Шарапава выйграла 36 турніраў WTA ў адзіночным разрадзе, яшчэ тры тытула - у парным разрадзе. На рахунку расіянкі пяць шлемаў: Адкрыты чэмпіянат Францыі (2012, 2014), Адкрыты чэмпіянат Аўстраліі (2008), Уімблдон (2004) і Адкрыты чэмпіянат ЗША (2006).
Чатыры гады таму Шарапава апынулася ў цэнтры допінгавага скандалу: у яе допінг-спробе быў знойдзены мельдоній. Спартсменка была дыскваліфікаваная на два гады, але затым CAS скараціў тэрмін адхілення да 15 месяцаў.
У апошні раз яна заваявала тытул у 2017 годзе на турніры ў кітайскім Цяньцзыні.
Дарэчы, Шарапава мае беларускія карані - яе бацькі перад нараджэннем дачкі пераехалі з Гомеля ў Сібір з-за неспрыяльнай экалагічнай абстаноўкі, якая склалася ў Беларусі пасля аварыі на Чарнобыльскай АЭС.
Цікава, што ў канцы студзеня падпісчыкі спартсменкі звярнулі ўвагу на пярсцёнак з заручынаў , які Шарапава "засвяціла" у сацсетках. Два гады таму экс-тэнісістка пачала сустракацца з 40-гадовым англічанінам Аляксандрам Гілксам, які заснаваў аўкцыённы дом Paddle8.