МІНСК, 3 сак - Sputnik. Памочнік прэзідэнта Беларусі па нацыянальнай бяспецы Віктар Лукашэнка адзначыў уклад Гр
Спецназу КДБ, групе "Альфа" спаўняецца 30 гадоў. Загад старшыні КДБ аб групе "А" быў падпісаны 3 сакавіка 1990 года. Тады ў яе пасля жорсткага адбору ўвайшлі 45 чалавек.
"Я б, напэўна, параўнаў нашу "Альфу" з рознымі ўзорамі ўзбраенняў - ад самых (...) хірургічна дакладных, "далікатных" да ... магутнай артылерыі. У залежнасці ад абставін і ад сітуацыі альфаўцы могуць усё і гатовыя да ўсяго", - заявіў у інтэрв'ю газеце "СБ.Беларусь Сегодня" Віктар Лукашэнка.
Паводле яго слоў, Група "А" здольная выконваць задачы ў любых умовах - у лесе, на балотах, на гарадскіх вуліцах, у вышынных будынках.
"Ведаю пра гэта не па чутках. Пастаянна сустракаюся з альфаўцамі, вырашаю з імі актуальныя задачы на сустрэчах міжведамаснага Савета спецыяльных падраздзяленняў (В. Лукашэнка з'яўляецца кіраўніком гэтай Савета - Sputnik)", - сказаў памочнік кіраўніка дзяржавы па нацбяспецы.
Пры гэтым ён падкрэсліў, што група "А" пастаянна выступае на айчынных і міжнародных спаборніцтвах сярод высокапрафесійных падраздзяленняў.
"І нашы там адны з лепшых! Таму з упэўненасцю магу назваць альфаўцаў універсальнымі салдатамі, якім пад сілу вырашэнне любых задач, як бы ні пафасна гэта гучала", - сказаў Віктар Лукашэнка.
Паводле яго слоў, група "А" удзельнічае ў шырокім спектры контртэрарыстычных мерапрыемстваў. Гэта і забеспячэнне бяспекі сур'ёзных грамадскіх мерапрыемстваў, і ахоўныя мерапрыемствы ў дачыненні да прэзідэнта.
"Ёсць і больш спецыфічныя прыклады працы альфаўцаў, але тут я па зразумелых прычынах не буду паглыбляцца ў падрабязнасці", - сказаў Лукашэнка.
Ён таксама паведаміў, што група "А" рэгулярна выконвае складаныя задачы ў сферы барацьбы са злачыннасцю. "І калі мы не чуем пра спецаперацыі, якія праводзяцца "Альфай", гэта не значыць, што іх няма. Проста яны не афішуюцца", - сказаў памочнік прэзідэнта па нацбяспецы.
Адказваючы на пытанне пра тое, якіх тэхнічныя навінкі, зброю і спецсродкі група "Альфа" атрымае да юбілею, Віктар Лукашэнка падтрымаў інтрыгу і сказаў:"Няхай падарунак будзе сюрпрызам!".