МІНСК, 17 сак - Sputnik. Унутраны валавы прадукт Беларусі за апошнія два месяцы ўпаў на 0,6%, сведчаць дадзеныя Нацыянальнага статыстычнага камітэта рэспублікі.
У панядзелак Белстат апублікаваў дадзеныя аб памеры ВУП за студзень-люты 2020 года: яго аб'ём у бягучых коштах склаў 19,5 мільярда рублёў.
Паводле інфармацыі ведамства, у параўнанні з аналагічным перыядам 2019-га ўнутраны валавы прадукт зменшыўся на 0,6%.
Нагадаем, у студзені ВУП знізіўся адразу на 1,9% - на гэта шмат у чым паўплывала сітуацыя з нявырашаным пытаннем з пастаўкамі ў рэспубліку нафты, а таксама зніжэнне аб'ёмаў экспарту беларускіх калійных угнаенняў за мяжу.
У адпаведнасці з базавым сцэнаром развіцця эканоміка Беларусі ў бягучым годзе павінна паказаць рост на ўзроўні 2,8%. У мінулым годзе ВУП рэспублікі вырас на 1,2%.