МІНСК, 20 сак - Sputnik. У дэпартаменце па турызме Міністэрства спорту і турызму Беларусі арганізавана кругласутачная прамая лінія, паведамілі ў ведамстве.
Атрымаць кансультацыю ў любы час сутак можна па тэлефонах (17) 327 25 11 або (17) 226 99 00.
Раней у Мінспорту распавядалі, што каля васьмі тысяч беларускіх турыстаў маюць патрэбу ў дапамозе, каб вернуцца дадому з-за мяжы. Парадку шасці тысяч знаходзяцца ў Егіпце, астатнія "затрымаліся" ў іншых краінах.
Праблема з вяртаннем дадому паўстала з-за мераў, якія пачалі прымаць краіны ў сувязі са складанай эпідсітуацыя ў свеце, выкліканай каронавірусам. Шэраг дзяржаў зачынілі межы для іншаземцаў, у тым ліку і транзіт. У выніку сталі ўзнікаць праблемы.
Да прыкладу, каля ста беларускіх грамадзян больш за суткі правялі ў расійскім аэрапорце Унукава, дзе няма транзітнай зоны. Аб спецрэйсе "Белавія", які павінен забраць іх у Беларусь, прыйшлося дамаўляцца на ўрадавым узроўні.