МІНСК, 21 сак - Sputnik. Расія цалкам падтрымала прапановы Беларусі па пастаўках нафты, заявіў прэзідэнт рэспублікі Аляксандр Лукашэнка, паведамілі ў яго прэс-службе.
У суботу, 21 сакавіка, у Палацы Незалежнасці прайшла нарада з удзелам прэм'ера Сяргея Румаса, кіраўніка Савета Рэспублікі Наталлі Качанавай, кіраўніком Адміністрацыі Ігарам Сяргеенкам, дзяржсакратаром Савета бяспекі Андрэем Раўковым, старшынямі КДК і КДБ Леанідам Анфімавым і Валерыем Вакульчыкам, кіраўніком МЗС Уладзімірам Макеем і старшынёй канцэрна "Белнафтахім" Андрэем Рыбаковым. Тэма нарады - праца беларускіх НПЗ і сітуацыя з каронавірусам.
"Я даручаў, каб разгледзелі новыя прапановы Расійскай Федэрацыі па пастаўках вуглевадароднай сыравіны. Яны паступілі ад расіян тры дні таму. Я так разумею, расіяне цалкам пайшлі на нашы прапановы па пастаўках нафты?", - спытаў Лукашэнка.
Кіраўнік рабочай групы Ігар Сяргеенка пацвердзіў і дадаў, што прапановы расійскага боку былі разгледжаны.
На нарадзе таксама быў разгледжаны шэраг пытанняў, якія тычацца куплі сыравіны, загрузкі нафтаперапрацоўчых прадпрыемстваў, задавальнення попыту на нафтапрадукты ўнутры краіны і экспартных паставак.
Чытайце таксама:
- Эксперт: выгада ад пакупак нафты ў трэйдараў для Беларусі кароткатэрміновая
- Беларусь не выключае магчымасці паставак нафты з ЗША
- "Белнафтахім": яшчэ тры танкеры прыбудуць у Клайпеду да канца сакавіка