МІНСК, 23 сак - Sputnik. Выступ былога вакаліста групы Smokie Крыса Нормана ў сталічным Палацы Рэспублікі пераносіцца на восень, пра гэта паведамілі Sputnik арганізатары мерапрыемства.
"Увага! Канцэрт легендарнага Крыса Нормана, запланаваны на 20 красавіка ў Палацы Рэспублікі, пераносіцца на 30 верасня. Набытыя квіткі застаюцца сапраўднымі", - сказана ў паведамленні.
Песні гурта Smokie сталі папулярныя ў Брытаніі, а пасля - у ЗША і Еўропе яшчэ ў 1970-х. Пасля кар'еры ў Smokie Крыс Норман пачаў выступаць як сольны выканаўца: яго першая кампазіцыя Midnight Lady шэсць тыдняў заставалася на першым месцы ў еўрапейскіх чартах. Зараз на рахунку артыста больш за 20 сольных альбомаў.
Па словах арганізатараў мерапрыемства, падчас будучага шоу беларускія прыхільнікі змогуць пачуць як залатыя, так і новыя хіты.
Канцэрт перанесены на 30 верасня, ён пройдзе ў вялікай зале сталічнага Палаца Рэспублікі, пачатак у 19:00. Кошт квіткоў - ад 40 да 150 рублёў.