МІНСК, 10 кра - Sputnik. Нацыянальны мастацкі музей Беларусі ўвайшоў у пяцёрку лепшых музеяў СНД, адпаведны рэйтынг склаў турыстычны партал ТурСтат.
У спіс лепшых музеяў Садружнасці ўвайшлі найбольш папулярныя ў турыстаў музеі, а таксама тыя, якія прапануюць віртуальныя экскурсіі і туры па экспазіцыях. Магчымасць вывучыць экспазіцыі музеяў анлайн асабліва каштоўная ў дадзены момант, калі з-за пандэміі каронавіруса людзі не могуць наведаць іх асабіста.
Спіс лепшых музеяў узначаліла Траццякоўская галерэя ў Москве. Второе месца заняў маскоўскі Пушкінскі музей, трэцяе - Рускі музей у Санкт-Пецярбургу. Нацыянальны мастацкі музей Беларусі апынуўся на чацвёртым радку рэйтынгу. Пятым стаў Дзяржаўны музей мастацтваў Казахстана імя А. Касцеева ў Алматы.
У дзясятку самых запатрабаваных музеяў увайшлі Нацыянальны музей мастацтваў Азербайджана ў Баку, Нацыянальная галерэя Арменіі ў Ерэване, Дзяржаўны музей мастацтваў Узбекістана ў Ташкенце, Нацыянальны музей мастацтваў Малдовы ў Кішынёве. Замыкае топ-10 Кыргызскі нацыянальны музей выяўленчых мастацтваў імя Г. Айціева, які знаходзіцца ў Бішкеку.