Яна нагадала, што ўвесь мінулы тыдзень у Беларусі ацэньвалі эпідэміялагічную абстаноўку прадстаўнікі Сусветнай арганізацыі аховы здароўя. Іх запрасілі для незалежнай экспертызы і адказу для тых, хто сумняваецца ў афіцыйных лічбах Міністэрства аховы здароўя аб хворых беларусах.
"Мы працуем сумленна, адкрыта, прыстойна. Пра гэта і сказалі эксперты. Дарэчы сказаць, гэтая сустрэча дастаткова доўга была ў Савеце Рэспублікі. Больш за гадзіну мы з імі размаўлялі, і яны расказвалі пра свае ўражанні. Яны казалі пра тое, што "вы сапраўды адкрытыя, і ўсё, што сёння робіцца ў вашай краіне, заслугоўвае ўсялякай павагі", - распавяла Качанава ў інтэрв'ю тэлеканалу СТБ.
Паводле яе слоў, эксперты СААЗ таксама са здзіўленнем адзначалі, што не разумеюць, чаму ўлады мала распавядаюць людзям пра тое, што робяць. Бо праца праводзіцца велізарная, але яна не заўсёды бачная кожнаму чалавеку. Што тычыцца афіцыйнай статыстыкі па тых, хто захварэў і памёр з дыягназам "каронавірус", то ніякай фальсіфікацыі няма.
"Таму што гэтыя лічбы ёсць і ў нас, цалкам сітуацыяй валодае прэзідэнт нашай краіны, таму што кожную раніцу ён збірае гэтыя звесткі, і мы абмяркоўваем усе гэтыя пытанні. Бачым, якая дынаміка, бачым статыстыку, бачым лічбы. Лічбы, якія даводзяцца да нашых грамадзян, абсалютна пэўныя і праўдзівыя", - падкрэсліла Качанава.
Фрагмент інтэрв'ю старшыні Савета Рэспублікі Наталлі Качанавай слухайце ў аўдыёзапісы на радыё Sputnik Беларусь.