МІНСК, 14 кра - Sputnik. Каронавірусная інфекцыя дыягнаставана ў 80 дзяцей у Беларусі, паведамілі ў міністэрстве аховы здароўя рэспублікі ў аўторак.
Паводле інфармацыі профільнага ведамства, сярод тых, хто захварэў на каронавірусную інфекцыю ў Беларусі 80 дзяцей: захворванне працякае ў іх або без сімптомаў, або ў лёгкай форме. Па словах спецыялістаў, тэмпература не мае крытычных значэнняў і з'яўляецца, як правіла, субфебрыльнай. Разам з тым могуць назірацца млоснасць, ваніты, невялікі кашаль і боль у горле.
Паведамляецца таксама, што шпіталізуюць дзяцей толькі ў выпадках выяўлення каронавіруса (і пры наяўнасці сімптомаў), а таксама калі яны з'яўляюцца кантактамі першага і другога узроўняў. Дзяцей могуць пакінуць дома, аднак толькі пры ўмовах магчымасці забеспячэння для іх самаізаляцыі: калі бацькі будуць прытрымлівацца ўсіх рэкамендацый медыцынскіх работнікаў.
"Калі ў сям'і жывуць людзі старэйшых узростаў, маленькія дзеці, то дарослыя пацыенты - кантакты першага ўзроўню - могуць працягваць знаходзіцца ў медустановах для самаізаляцыі на 14 дзён", - сказала намеснік міністра аховы здароўя Алена Богдан.
Акрамя таго, Міністэрства аховы здароўя рэкамендуе пакуль ўстрымацца ад наведвання дзецьмі спартыўных секцый і гурткоў.
"Нашы рэкамендацыі заснаваныя на тым, што трэба пазбягаць месцаў масавага збору людзей. Адпаведна, бацькі павінны думаць самі, куды яны адпраўляюць дзяцей. Мы рэкамендуем ўстрымацца ад наведвання секцый і нейкіх гурткоў", - сказала галоўны спецыяліст аддзела дапамогі маці і дзецям Таццяна Бурдзь.
Разам з тым эксперт падкрэсліла, што забароны на іх наведванне ў Беларусі цяпер няма.