МІНСК, 19 кра - Sputnik. Прэзідэнт Беларусі Аляксандр Лукашэнка накіраваў віншаванне з нагоды Вялікадня патрыярху Маскоўскага і ўсяе Русі Кірылу, паведамілі ў прэс-службе беларускага лідара.
У сваім віншаванні кіраўнік беларускай дзяржавы адзначыў, што Вялікдзень - сімвал духоўнага ператварэння грамадства, усенароднае свята міласэрнасці і любові да бліжняга, ён "падахвочвае быць устойлівымі і мужнымі перад зямнымі нягодамі".
"Хай у цяперашні няпросты для сусветнай супольнасці час велікодная радасць стане невычэрпнай крыніцай веры і надзеі, дапаможа вынесці цяжкія выпрабаванні", - цытуе прэс-служба тэкст віншавання.