МІНСК, 20 кра - Sputnik. Міністэрства аховы здароўя Беларусі расказала аб тым, куды ўжо паспелі выдаткаваць частку сродкаў, якія паступілі на спецыяльны дабрачынны рахунак.
Міністэрства аховы здароўя прывяло ў нядзелю лічбы па дадзеных на пятніцу. Так, на дабрачынным рахунку, створаным для падтрымкі медыкаў ва ўмовах распаўсюджвання каронавіруса, знаходзілася больш за 5,3 мільёна рублёў і 79 тысяч еўра.
Астатак сродкаў склаў 3,8 мільёна і 79 тысяч еўра. Больш за мільён рублёў ужо пералічаныя "Белмедтэхніке".
Гэтыя сродкі накіраваны на куплю масак, медыцынскіх камбінезонаў і ахоўных экранаў. Міністэрства аховы здароўя падрабязна распавяло пра колькасць закупленых вырабаў і іх кошт.
16 красавіка было пералічана яшчэ амаль 200 тысяч рублёў - таксама на маскі і камбінезоны, а 17 красавіка яшчэ больш за 145 тысяч - на камбінезоны і рэспіратары.
Грошы былі накіраваны і ў РНПЦ эпідэміялогіі і мікрабіялогіі - на наборы рэагентаў для выяўлення COVID-19.
Размеркавала Міністэрства аховы здароўя таксама бязвыплатную спонсарскую дапамогу кампаніі "Сервалюкс" і гуманітарную дапамогу, якая паступіла ад Узбекістана.