Як адзначыла яна ў інтэрв'ю тэлеканалу АНТ, у бліжэйшыя два-тры тыдні усё не скончыцца, мы працягнем заставацца ў няпростай эпідэміялагічнай сітуацыі. Але Жукава таксама падкрэслівае, што сама сітуацыя кіруемая. І ёсць перадумовы, што захворванне COVID-19 будзе зніжацца ў бліжэйшыя тры-чатыры тыдні.
"Чаму мы робім такую выснову? Таму што мы яшчэ адсочваем захворванне на рэспіраторныя інфекцыі. Каронавірус адносіцца да групы, якая выклікае рэспіраторныя інфекцыі. І вось зніжэнне захворвання гэтымі інфекцыямі па ўсіх рэгіёнах Беларусі дае падставу меркаваць, што і захворванне каронавіруснай інфекцыяй праз некалькі тыдняў стабілізуецца або пачне зніжацца", - сказала Жукава.
Па словах галоўнага санітарнага ўрача Беларусі, у краіне таксама праводзіцца вялікая работа па лакалізацыі ачагоў заражэння. Як ачаг разглядаецца кожны выпадак каронавіруса, і медыкі ў абавязковым парадку шукаюць кантакты, каб перапыніць ланцужок распаўсюджвання віруса. Што тычыцца статыстыкі Міністэрства аховы здароўя, то гэта дазваляе параўноўваць тэмпы прыросту і правільна выбудоўваць працу ў тым ці іншым рэгіёне.
"Ёсць колькасць тых, якія праходзяць лячэнне, і ёсць колькасць тых, якія з'яўляюцца станоўчымі па каронавірусу. Гэтая лічба ніяк не можа супадаць, таму што па дадзеных СААЗ пэўны адсотак людзей, якія маюць станоўчы вынік тэсціравання, але не маюць прыкмет захворвання. Яны не хворыя, яны толькі носьбіты каронавіруса. Для таго, каб яны не распаўсюджвалі захворванне, яны знаходзяцца дома. І захаванне рэжыму самаізаляцыі правяраецца", - адзначыла галоўны санітарны ўрач Беларусі.
Каментар галоўнага дзяржаўнага санітарнага ўрача Беларусі Наталлі Жукавай слухайце ў аўдыёзапісы на радыё Sputnik Беларусь.