Самаізаляцыя і абмежаванне кантактаў у цяперашні час - гэта мера засцярогі і спосаб зберагчы сябе, блізкіх і родных ад інфекцыі.
Але гэта не перашкода для творчасьці, і дзякуючы сучасным тэхналогіям у гледачоў і музыкаў ёсць унікальная магчымасць сустракацца анлайн.
30 красавіка ў Сусветны дзень джаза ў рамках анлайн-фестывалю #БЕЗАНТРАКТА пройдзе JazzМарафон ў падтрымку дактароў!
Кожны дзень урачы здзяйсняюць сапраўдны подзвіг. Яны працуюць на перадавой барацьбы з каронавірусаам. Лепшае, што ўсе слухачы і гледачы могуць зрабіць для іх, - заставацца дома. А ў Міжнародны дзень джаза для гэтага ёсць асаблівая нагода.
Джазавая класіка, залатыя мелодыі эпохі свінга, авангард і папулярныя кампазіцыі ўварвуцца ва ўсе дамы. Сапраўднае падарожжа ў свет джаза пачнецца ў 15:00 і працягнецца да самага вечара.
У марафоне возьмуць удзел зоркі і легенды сусветнага джаза, вядомыя вакалісты, музыканты, аркестры і ансамблі з Расіі, Беларусі, Германіі, Даніі, Латвіі, Літвы, Польшчы, Турцыі, ЗША і Эстоніі. Хэдлайнерамі і адмысловымі гасцямі праекта стануць: Давід Галашчокін, Ігар Бутман, Сяргей Жылін, Уладзімір Волкаў, Дэбара Браўн, Кэтрын Расэл, Інтарс Бусуліс. Вядучы марафону - заслужаны дзеяч мастацтваў Расіі, аўтар першай расійскай джазавай энцыклапедыі Уладзімір Феертаг.
Падчас тэлемосту з Мінскам у прэс-цэнтры інфармацыйнага агенцтва і радыё Sputnik Беларусь выступяць лепшыя беларускія джазавыя бэнды:
- 16:30 - "Квартэт Паўла Арлова"
- 18:30 - "Карэн Карапецян і трыа Людмілы Крукоўскай"
- 20:30 - "VIP Jazz Андрэя Славінскага"
Трансляцыя марафону будзе весціся на сайце і ў групе УКантакце "Фонтанки.ру" (tv.fontanka.ru).
Выступы беларускіх калектываў можна будзе паглядзець ужывую на сайце Sputnik Беларусь (sputnik.by).