МІНСК, 30 кра - Sputnik. Колькасць заражаных каронавірусам у Беларусі дасягнула 14027 чалавек, паведамілі ў чацвер у Міністэрстве аховы здароўя.
Да раніцы чацвярга ў Беларусі было праведзена больш за 176 тысячаў тэстаў на каронавірус COVID-19.
Як паведамілі ў Міністэрстве аховы здароўя рэспублікі, зарэгістравана 14027 чалавек са станоўчым тэстам на каронавірус. Такім чынам, за суткі прырост колькасці інфіцыраваных склаў 846 чалавек.
Паправіліся і выпісаныя ўжо 2386 пацыентаў. Зарэгістравана 89 смяротных зыходаў - як дадаюць у Міністэрстве аховы здароўя Беларусі, у гэтых пацыентаў быў шэраг хранічных захворванняў.
У другой палове красавіка ў Міністэрстве аховы здароўя заяўлялі пра тое, што пік эпідэміі ў Беларусі прыйдзецца на канец красавіка і пачатак мая, пасля чаго захворванне паступова павінна пачаць зніжацца.