Вірус нікуды не дзеўся, значыць, успышкі могуць узнікаць пастаянна, не такога вялікага маштабу, як раней, аднак, калі не звяртаць на іх увагу, яны будуць разрастацца, заявіў суразмоўца Sputnik, вірусолаг, доктар медыцынскіх навук, член РАЕН і Нью-Ёркскай акадэміі навук Анатоль АльштЭйн, каментуючы інфармацыю аб тым, што ў работнікаў аптовага рынку ў Пекіне выяўлена новая, больш заразная форма каронавіруса.
"Другая хваля непазбежная, без сумневу. Мне здаецца, што чакаць яе варта недзе ўвосень-узімку па-сапраўднаму, у вялікім маштабе, і ў агульным мы з гэтым вірусам будзем жыць яшчэ доўга. Гэта надоўга, як і наша насцярожанасць у адносінах да гэтага віруса", - лічыць Альштэйн.
Каронавірус - гэта не ВІЧ-інфекцыя, тут тактыка барацьбы іншая, ён усё ж такі бліжэй да вострых рэспіраторных інфекцый, толькі з больш цяжкімі наступствамі, дадае эксперт.
"Праўда, я не выключаю, што з часам вірус будзе мяняцца, адаптавацца да чалавечага грамадства ў тым плане, што будзе змяншацца лятальнасць", - кажа Альштэйн.
Пры гэтым "заразлівасць" віруса будзе заставацца на высокім узроўні і, магчыма, нават будзе павялічвацца, лічыць суразмоўца.
"Людзі змогуць на гэта эфектыўна ўздзейнічаць толькі з дапамогай вакцынацыі, калі будуць добрыя і эфектыўныя вакцыны, то мы зможам паўплываць на працэс развіцця гэтых эпідэмій ў далейшым", - рэзюмуе вірусолаг.