МІНСК, 18 чэр - Sputnik. Краінам неабходна рыхтавацца да магчымага вяртання каронавіруса, заявіў на брыфінгу ў чацвер дырэктар Еўрапейскага рэгіянальнага бюро Сусветнай арганізацыі аховы здароўя (СААЗ) Ганс-Генры Клюге.
Эпідэмія каронавіруса, па ацэнцы кіраўніка рэгіянальнага бюро СААЗ, па-ранейшаму знаходзіцца ў актыўнай фазе ў многіх краінах, у тым ліку ў Арменіі, Азербайджане і Арменіі.
"Неабходна адсочваць кантакты інфіцыраваных асобаў, каб пазбегнуць росту эпідэміі і новага каранціну. Так, у некалькіх краінах адкрыццё школ пасля каранціну прывяло да ўсплёску. Паўтаруся, рызыка па-ранейшаму застаецца высокай у некалькіх краінах", - заявіў Клюге.
Прыкметная колькасць краін Еўропы - 68% - паведамілі аб поўным або частковым прыпыненні медыцынскіх паслуг, не звязаных з каронавірусам. У шэрагу дзяржаў была замарожаная праграма скрынінга на анкалогію.
"З кожным новым днём мы даведаемся усё больш пра гэты вірус і становімся бліжэй да эфектыўнага лячэння і вакцыны. Меры сацыяльнага дыстанцыяваньня дазволілі нам выйграць час, але крызіс не пераадолены. Трэба рыхтавацца да магчымага вяртання Covid, якое можа ахапіць асобныя краіны і рэгіёны", - дадаў ён.
Таксама прадстаўнікі СААЗ сёння паведамілі аб тым, што ў 12 краінах вядзецца праца па стварэнні вакцыны ад каронавіруса. Зрэшты, яе стварэнне і прымяненне патрабуе часу, а вырашыць трэба будзе і пытанне шырока доступу да вакцыны.
Па дадзеных на раніцу чацвярга ў свеце зарэгістравана больш 8,4 мільёна выпадкаў каронавіруса. У Беларусі выяўлена больш за 56 тысяч інфіцыраваных - па колькасці заражаных на мільён насельніцтва краіна знаходзіцца ў ліку лідараў у Еўропе.