МІНСК, 22 чэр - Sputnik. У энергасістэме Беларусі была праведзена штогадовая міжсістэмная супрацьаварыйная трэніроўка аператыўна-дыспетчарскага персаналу, паведамілі ў прэс-службе Белэнерга.
"Па легендзе трэніроўкі няштатная сітуацыя здарылася ў выніку адключэння блока на Беларускай АЭС, якое і прывяло да значнага дысбалансу магутнасці ў энергасістэме", - распавялі ў прэс-службе.
Беларускім энергетыкам спатрэбілася ў кароткія тэрміны выкарыстоўваць "увесь рэзерв магутнасці. Але пры наборы магутнасці па легендзе аварыйна адключыўся блок №7 на Бярозаўскай ГРЭС".
Гэта пацягнула за сабой павелічэнне небаланса магутнасці і прывяло да спрацоўвання супрацьаварыйнай аўтаматыкі на падстанцыі "Беларуская" і адключэння часткі спажыўцоў.
Далей па сцэнары вучэнні склаліся такія ўмовы, якія звязаны з перагрузкай абсталявання і міждзяржаўных перасекаў.
"Узнікла рызыка выдзялення энергасістэмы на ізаляваную працу. Для прадухілення магчымага парушэння ўстойлівасці энергасістэмы былі прыняты меры па выкарыстанні нарматыўнага аварыйнага рэзерву магутнасці з энергасістэм Балтыі і Украіны", - растлумачылі дзеянні спецыялісты.
Беларускія энергетыкі ў ходзе трэніроўкі паспяхова справіліся з прывядзеннем балансу энергасістэмы краіны да дапушчальных межаў. Пасля чаго адбыўся падрабязны аналіз дзеянняў усіх спецыялістаў, якія прымалі ўдзел у вучэннях.
"Трэніроўка дазволіла праверыць гатоўнасць аператыўна-дыспетчарскіх звёнаў да працы ва ўмовах інтэграцыі ў аб'яднаную энергасістэму краіны Беларускай атамнай электрастанцыі", - адзначылі ў Белэнэрга.
"Самай складанай падзеяй у трэніроўцы з'явілася адключэнне найбуйнейшай генеруючай адзінкі энергасістэмы - энергаблока №1 1200 МВт Беларускай атамнай электрастанцыі", - канстатаваў намеснік гендырэктара Белэнэрга Дзяніс Кавалёў.
На яго думку, можна лічыць, што трэніроўка беларускіх энергетыкаў прайшла паспяхова. У цэлым яна прадэманстравала важнасць інтэграцыі атамнай станцыі ў баланс энергасістэмы. У рамках гэтага рэалізуюцца праекты па будаўніцтве пікаў-рэзервовых крыніц і электракатлоў на аб'ектах энергасістэмы.
"Мы яшчэ раз прааналізуем дзеянні аператыўнага персаналу на кожным узроўні дыспетчарскага кіравання, зможам выпрацаваць дадатковыя мерапрыемствы і забяспечыць аператыўную гатоўнасць нашай энергасістэмы да рэжымаў працы ў новых умовах", - рэзюмаваў намеснік гендырэктара.