Міжнародны музычны фэст штогод збірае шмат аматараў беларускай культуры. У гэтым годзе ў філіяле Музея народнай архітэктуры і побыту ў Азярцы, нагледзячы на сусветную пандэмію каронавіруса, таксама было шмат удзельнікаў, але замежныя музыкі не прыехалі.
На сцэне выступілі фолк-метал гурты Znich&Rutvica, Pragnaviт, Goryn, Guda, Dymna Lotva.
Традыцыйна "Купальскае кола" спалучае абрадавы і музычны складнікі. Такім чынам госці не проста слухаюць выступленні любімых гуртоў, але і праводзяць старадаўняе беларускае свята Купалле згодна з традыцыямі продкаў.
Патрапіў на фестываль і фотакарэспандэнт Альфрэд Мікус. Шмат музыкі, танцаў і беларускіх прыгажунь - у фотастужцы Spotnik.