МІНСК, 30 чэр - Sputnik. Уладзімір Пуцін і Аляксандр Лукашэнка сёння прымуць удзел у адкрыцці Ржэўскага мемарыяла Савецкаму салдату, паведамілі ў прэс-службе Крамля.
"Трыццатага чэрвеня прэзідэнт Расійскай Федэрацыі Уладзімір Пуцін сумесна з прэзідэнтам Рэспублікі Беларусь Аляксандрам Лукашэнкам прыме ўдзел у адкрыцці Ржэўскага мемарыяла Савецкаму салдату", - сказана ў паведамленні.
Прэзідэнт Расіі запрасіў прэзідэнта Беларусі ўзяць удзел у цырымоніі адкрыцця помніка загінулым савецкім воінам ць Ржэве, калі прэзідэнт Беларусі ездзіў у Маскву на Парад Перамогі.
Гэта стане "добрай нагодай для кіраўнікоў абедзвюх дзяржаў пагутарыць і абмеркаваць, у тым ліку, і нейкія вострыя пытанні", - сказаў аб маючай адбыцца сустрэчы прэзідэнтаў кіраўнік МЗС Беларусі Уладзімір Макей.
Узвядзенне манумента загінулым савецкім воінам ініцыявалі ветэраны Вялікай Айчыннай вайны, звярнуўшыся ў Камітэт Саюзнай дзяржавы. Такім чынам яны прасілі увекавечыць памяць сваіх баявых таварышаў.
На памятным месцы на 10-метровым насыпным кургане ўзведзена 25-метровая бронзавая фігура савецкага салдата. У рэалізацыі праекта прынялі ўдзел Расійскае ваенна-гістарычнае таварыства, Мінкультуры РФ, Саюзная дзяржава і іншыя.