ААН ацаніла магчымыя страты сусветнай эканомікі з-за пандэміі каронавіруса. Пры самым песімістычным зыходзе эканоміку чакае турыстычны калапс. Калі каранцін працягнецца 12 месяцаў страты могуць скласці 3,3 трыльёна долараў ЗША, што складае 4,2% сусветнага ВУП.
"Міжнародны турызм быў амаль цалкам прыпынены, а ўнутраны скарочаны з-за абмежаванняў, уведзеных у многіх краінах. Хоць некаторыя напрамкі пачалі павольна аднаўляцца, многія людзі баяцца міжнародных паездак або не могуць сабе гэтага дазволіць з-за эканамічнага крызісу", - гаворыцца ў дакладзе ААН COVID-19 and Tourism, апублікаваным Канферэнцыяй ААН па гандлі і развіцці (ЮНКТАД).
Даклад ахоплівае 65 асобных краін і рэгіёнаў, у ім прыводзіцца ўсяго тры сцэнары развіцця сітуацыі. Як мінімум, каронавірус абыйдзецца туріндустрыі не менш чым 1,2 трыльёна долараў ЗША. Калі перапынак у міжнародным турызме працягнецца восем месяцаў, страты могуць узрасці да 2,2 трыльёна.
Найбольшыя страты панясуць краіны, якія развіваюцца. Страты Тайланда ацэньваюць у 11% ВУП, Ямайка можа страціць 9%. Егіпет, Малайзія і Кенія - да 3% ВУП. Мільярдаў долараў недалічацца і багатыя дзяржавы. Страты прагназуюць у Італіі, Францыі, Іспаніі, ЗША, Грэцыі і Партугаліі.
Па дадзеных ЮНВТО, турызм з'яўляецца асновай эканомікі многіх краін і выратавальным кругам для мільёнаў людзей ва ўсім свеце: яго кошт вырасла больш чым у тры разы з 490 мільёнаў да 1,6 трыльёна долораў за апошнія 20 гадоў. Але COVID-19 спыніў яго, што прывяло да сур'ёзных эканамічных наступстваў ва ўсім свеце.