МІНСК, 22 ліп - Sputnik. Мноства актыўнасцяў і забаў чакае заўзятараў, якія падтрымліваюць здаровы лад жыцця і займаюцца спортам, пра гэта паведамілі арганізатары Беларускіх лёгкаатлетычных гульняў.
З 31 ліпеня па 2 жніўня кожны зможа прыняць удзел у Relay Fest. Гэта спаборніцтвы ў эстафетным бегу 4х400 метраў. Любы можа зарэгістраваць сваю каманду з чатырох чалавек і прабегчы дыстанцыю па дарожцы стадыёна "Дынама".
Усе ўдзельнікі будуць акрэдытаваны як прафесійныя спартсмены, атрымаюць унікальныя нагрудныя нумары і будуць змагацца за медалі і спецыяльныя прызы.
У завяршэнне турніру на стадыёне "Дынама" пройдуць унікальныя забегі Сямейнай эстафеты (тата павінен пераадолець 200 метраў, мама - 150, а дзіця (4-6 гадоў) - 50 метраў). Тры самыя хуткія каманды падымуцца на п'едэстал і атрымаюць заслужаныя ўзнагароды.
Квіткі на спаборніцтвы будуць даступныя для любога кашалька. Кошт квіткоў складае ўсяго 2 рублі для дарослых і 1 рубель для дзяцей. Гэта выдатная магчымасць атрымаць мноства прыемных эмоцый не толькі ад выступленняў спартсменаў найвышэйшага ўзроўню, але і патрапіць на шоў ад класных артыстаў - на цырымоніі адкрыцця, напрыклад, выступіць Ціма Беларускіх.
Рэгістрацыя і іншая падрабязная інфармацыя пра гэтыя і іншыя актыўнасцях для гледачоў даступная на афіцыйным сайце БФЛА.