Як праходзяць выбары ў Беларусі - фота

Шостыя ў гісторыі незалежнай Беларусі прэзідэнцкія выбары праходзяць сёння 9 жніўня.

Выбарчыя ўчасткі адкрыліся ў 08:00 і будуць працаваць да 20:00, пасля чаго пачнецца падлік галасоў. Цэнтрвыбаркам абяцае абвясціць папярэднія вынікі выбараў раніцай у панядзелак.

У выбарчым бюлетэні-імёны пяці кандыдатаў: Святланы Ціханоўскай, Андрэя Дзмітрыева, Сяргея Чарэчня, Ганны Канапацкай і Аляксандра Лукашэнкі.

Дзеючы прэзідэнт Беларусі і астатнія кандыдаты прагаласавалі сёння на сваіх участках.

1 / 18

Выбарчыя ўчасткі адкрыліся ў 08:00. На фота: дзверы выбарчага ўчастка №41 у Гомелі адкрывае член участковай камісіі Вольга Калеснікава.

2 / 18

Людзі пайшлі на участкі адранку па ўсёй Беларусі.

3 / 18

Ад самай раніцы выбаршчыкаў на ўчастках чакалі буфеты і музыка. Як, напрыклад, на выбарчым участку ў Віцебску.

4 / 18

А вось буфет на выбарчым "участку №1", дзе традыцыйна галасуе прэзідэнт Лукашэнка, у гэтым годзе выглядае больш сціпла, чым у папярэднія гады.

5 / 18

Дзеючы прэзідэнт прагаласаваў на выбарах у 11 гадзін раніцы.

6 / 18

Крыху раней аддаў свой голас яшчэ адзін кандыдат у прэзідэнты. Андрэй Дзмітрыеў прыехаў на ўчастак на тэрыторыі гарадской сухотнай бальніцы з сынам на веласіпедах.

7 / 18

Ганна Канапацкая з сынам Аляксеем прагаласавала на ўчастку пад нумарам 43.

8 / 18

Спецыяльныя ўчасткі для галасавання арганізаваныя практычна ва ўсіх установах аховы здароўя Беларусі.

9 / 18

Адкрытыя кабінкі для галасавання - такога на выбарах у Беларусі яшчэ не было. Меру засцярогі члены ўчастковых выбарчых камісій тлумачаць эпідэміяй каронавіруса.

Перайсці ў медыябанк

10 / 18

На многіх участках для галасавання шторкі ў кабінках засталіся, але іх падвязалі, каб выбаршчыкі не краналі тканіну рукамі. "Але нікога не спыняем ў спробе зачыніць шторку. Сёння такіх тых, хто галасуе, было каля дзясятка. Пасля іх тканіну апрацоўваем антысептыкам і зноў падвязваем" - распавялі фотакору Sputnik на ўчастку для галасавання №44 у Гомелі.

11 / 18

Да абеду стала вядома, што ў многіх краінах за мяжой грамадзяне Беларусі сталі ў чаргу, каб прагаласаваць. Напрыклад, каля аддзялення пасольства Беларусі ў Маскве чарга расцягнулася на кіламетр.

12 / 18

У Варшаве таксама беларусы стаяць у чэргах, каб прагаласаваць. Такой актыўнасці на прэзідэнцкіх выбарах яшчэ не было.

13 / 18

Святлана Ціханоўская прагаласавала на выбарах прэзідэнта Беларусі пасля дзвюх гадзін дня.

14 / 18

Каля выбарчага ўчастка ў Мінску яе атачылі журналісты і прыхільнікі. Пры з'яўленні Ціханоўскай людзі пачалі скандаваць "Света" і апладзіраваць ёй. "Я вельмі хачу, каб выбары былі сумленнымі", - сказала Ціханоўская.

Перайсці ў медыябанк

15 / 18

Прадстаўнік аб'яднанага перадвыбарчага штаба Марыя Калеснікава з кандыдатам Святланай Ціханоўскай каля выбарчага ўчастка ў Мінску.

Перайсці ў медыябанк

16 / 18

Апошнім з кандыдатаў сёння свой голас аддаў Сяргей Чарэчань. На выбарчы ўчастак ён прыйшоў з жонкай і дачкой.

17 / 18

Складзены бюлетэнь падчас галасавання на выбарчым участку №1 на прэзідэнцкіх выбарах 2020 года. Яўка выбаршчыкаў на прэзідэнцкіх выбарах у Мінску па стане на 14 гадзін склала 52,03%, паведамілі ў Цэнтрвыбаркаме.

18 / 18

Яшчэ раніцай кіраўнік беларускага ЦВК Лідзія Ярмошына пасля адкрыцця выбарчых участкаў абвясціла, што ўвечары на іх усталююць прапускны рэжым. Па яе словах, гэта трэба, каб не было вялікай колькасці грамадзян.