МІНСК, 17 жні - Sputnik. Еўрасаюз павінен працягваць актыўную падтрымку ўдзельнікаў мірных маніфестацый у Беларусі, пра гэта заявіў прэзідэнт Францыі Эмануэль Макрон.
"Еўрапейскі саюз павінен працягваць мабілізацыю разам з сотнямі тысяч беларусаў, якія на мірных маніфестацыях дамагаюцца захавання павагі іх правоў, свабод і суверэнітэту", - напісаў ён на сваёй старонцы ў сацсетцы Twitter.
Нагадаем, што масавыя пратэсты пачаліся ў гарадах Беларусі пасля выбараў прэзідэнта, якія адбыліся 9 жніўня. На іх, паводле звестак ЦВК, перамог дзеючы кіраўнік дзяржавы Аляксандр Лукашэнка, які набраў больш за 80% галасоў.
Першыя дні былі адзначаны сутыкненнямі з сілавікамі, падчас якіх праваахоўнікі ўжывалі супраць пратэстуючых спецсродкі, у прыватнасці, слезацечны газ, светлашумавыя гранаты і гумовыя кулі. У выніку каля сямі тысяч чалавек былі затрыманыя, сотні пацярпелі, адзін чалавек загінуў.
У мінулую пятніцу кіраўнік еўрапейскай дыпламатыі Жозэп Барэль па выніках нефармальнага пасяджэння Савета ЕС заявіў аб тым, што супольнасць не прымае вынікі выбараў і пачынае працу над увядзеннем новых санкцый у дачыненьні да Мінску.
Па выніках сустрэчы ў фармаце відэаканферэнцыі кіраўніка МЗС 27 краін-членаў ЕС паўтарылі свой заклік да беларускіх уладаў спыніць "празмерна гвалт у дачыненні да мірных дэманстрантаў", а таксама заявілі, што Еўрасаюз чакае "неадкладнага вызвалення ўсіх незаконна затрыманых асоб" і стараннага расследавання меркаваных парушэнняў, каб прыцягнуць вінаватых да адказнасці.