МІНСК, 24 жні - Sputnik. Ад развіцця сітуацыі ў Беларусі залежыць будучыня ўсёй Цэнтральнай Еўропы, заявіў у панядзелак на эканамічным форуме ў Варшаве прэм'ер-міністр Польшчы Матэуш Маравецкі.
Улады Польшчы, а таксама іншых еўрапейскіх краін, неаднаразова выказваліся ў сувязі з сітуацыяй, якая назіраецца апошнія два тыдні ў Беларусі. У прыватнасці, па ініцыятыве Варшавы і Вільні праходзіў экстранны саміт кіраўнікоў ЕС па гэтым пытанні.
"Я запрасіў таксама прадстаўнікоў усіх прысутных у парламенце апазіцыйных партый да дыскусіі на тэму Беларусі", - сказаў Маравецкі на форуме ў панядзелак.
Ён таксама адзначыў, што Беларусь сёння - "ачаг запалення, і мы павінны тут дзейнічаць сумесна".
Масавыя акцыі пратэсту працягваюцца ў Беларусі з 9 жніўня - дня выбараў прэзідэнта, на якіх, паводле звестак ЦВК, перамог дзеючы прэзідэнт Аляксандр Лукашэнка з 80,1%. Пры гэтым апазіцыя заяўляе пра фальсіфікацыі і парушэнні на выбарах, а таксама ўпэўненая ў перамозе Святланы Ціханоўскай.