МІНСК, 28 жні - Sputnik. Санкцыйны спіс па Беларусі будзе гатовы на працягу бліжэйшых дзён, у яго ўключаць высокапастаўленых чыноўнікаў, паведаміў па выніках сустрэчы кіраўнікоў МЗС Еўрасаюза ў Берліне вярхоўны прадстаўнік ЕС па знешняй палітыцы і палітыцы бяспекі Жозэп Барэль.
"Гэты спіс павінен уключаць асоб высокага палітычнага ўзроўню", - сказаў ён.
Барэль дадаў, што спіс падрыхтуе спецыяльная група ў Савеце ЕС літаральна ў бліжэйшым часе, а зацвердзяць яго як мага хутчэй.
Пасля выбараў прэзідэнта, на якіх, паводле дадзеных ЦВК, перамог Аляксандр Лукашэнка, у Беларусі пачаліся пратэстныя акцыі. Першапачаткова людзі былі не згодныя з агучаных вынікам, згодна з якім за дзейнага прэзідэнта прагаласавала больш за 80% выбаршчыкаў. Пасля таго, як першыя акцыі былі жорстка задушаныя, людзі сталі выходзіць на вуліцы яшчэ і з патрабаваннем спыніць гвалт.
Шэраг краін абвясціў пра непрызнанне вынікаў беларускіх выбараў, некаторыя краіны - удзельніцы ЕС заявілі аб увядзенні кропкавых санкцый у дачыненні да асоб, на іх думку, адказных за фальсіфікацыю вынікаў выбараў і гвалт у паслявыбарныя дні. Аб намеры ўвесці санкцыі заяўлялі і органы ЕС.