Паводле слоў Лаўрова, неабходнасці замежнага пасярэдніцтва для пераадолення сітуацыі ў рэспубліцы няма. Беларусь сама ў стане вырашыць свае ўнутраныя праблемы, упэўнены дыпламат.
"Мы хочам, каб беларусам самім была прадастаўлена магчымасць вырашыць свае праблемы без якога-небудзь умяшання звонку. Мы бачым спакусу многіх заходніх дзяржаў - як суседняй Украіны, так і краін, якія знаходзяцца далёка за акіянам, я маю на ўвазе ЗША і Канаду - навязаць нейкія падыходы ў пераадоленні цяперашняй сітуацыі ў Рэспубліцы Беларусь. На гэтыя падыходы рэагуе прэзідэнт", - сказаў міністр падчас свайго выступу перад першакурснікамі МГІМО.
Ён адзначыў, што прэзідэнт Беларусі Аляксандр Лукашэнка ўжо прапанаваў рашэнне, якое дапаможа ўрэгуляваць сітуацыю, з ім згодная і Масква. Паводле слоў Лаўрова, беларускім уладам трэба наладзіць дыялог з грамадствам і абмеркаваць усе хвалюючыя грамадзян пытанні.
Міністр дадаў, што Расія ў дачыненні да Саюзнай дзяржавы будзе кіравацца міжнародным правам і сваімі абавязкамі.