Мікалай Потрусаў паспеў зрабіць свой унёсак у гісторыю "Песняроў" – Козыраў
© Sputnik
Вядомы піяніст-клавішнік Беларускага дзяржаўнага ансамбля "Песняры" Мікалай Потрусаў памёр ад сардэчнага прыступу на 52-м годзе жыцця. Пра яго ўнёсак у папаўненне рэпертуару ансамбля распавёў кіраўнік БДА "Песняры" Раман Козыраў.
"Мы панеслі вельмі цяжкую страту, пайшоў з жыцця наш калега, выдатны музыка Мікалай Потрусаў. Ён папрацаваў у ансамблі ўсяго два гады, але пакінуў вельмі сур'ёзны след. Зусім нядаўна ў канцэрце, прысвечаным Дню Незалежнасці Беларусі, прагучала яго новая песня "У старога пана"... Ён быў выдатным аранжыроўшчыкам, вядомым і ў нашай краіне, і за мяжой", - сказаў суразмоўца Sputnik.
Каментар дырэктара - мастацкага кіраўніка БДА "Песняры" Рамана Козырава слухайце ў аўдыёзапісе на радыё Sputnik Беларусь.