МІНСК, 12 вер - Sputnik. Камфортнае цёплае надвор'е чакаецца ў Беларусі ў выхадныя, пра гэта сведчаць дадзеныя Белгідраметцэнтра.
Пасля некалькіх дзён пахаладання, дажджоў і моцнага ветру ў пятніцу ў краіну вярнулася сухое сонечнае надвор'е. Яно захаваецца і ў выхадныя дні.
У суботу 12 верасня Беларусь будзе заставацца пад уплывам вобласці павышанага атмасфернага ціску. Будзе пераменная воблачнасць, без ападкаў. У начныя і ранішнія гадзіны згусціцца слабы туман. Чакаецца ноччу слабы вецер, днём паўднёвы ўмераны. Ноччу мінімальная тэмпература паветра складзе +5 .. +10°С, месцамі слупок тэрмометра апусціцца да +2 .. +4°С. У сярэдзіне дня паветра прагрэецца да +16°С па паўночным усходзе рэспублікі і да +24°С - па паўднёвым захадзе краіны.
У нядзелю 13 верасня ўначы надвор'е будзе вызначаць вобласць павышанага атмасфернага ціску, раніцай і днём адаб'ецца ўплыў малаактыўнага атмасфернага фронту. Будзе воблачна з праясненнямі. Ноччу пераважна без ападкаў, раніцай і днём месцамі, у асноўным па паўночнай палове краіны, пройдуць невялікія кароткачасовыя дажджы. Ноччу і раніцай магчымы слабы туман. Будзе дзьмуць паўднёва-заходні, заходні ўмераны вецер, днём парывісты. Тэмпература паветра ў начны час будзе трымацца ў раёне +6.. +13°С, у сярэдзіне дня пацяплее да +17..+ 24°С, па поўдні - да +26°С.