МІНСК, 17 вер - Sputnik. Расія змяніла правілы ўезду ў краіну для замежнікаў, пра гэта заявіў на пасяджэнні Кабінета міністраў прэм'ер-міністр РФ Міхаіл Мішусцін, паведамляюць РІА "Новости".
Парадак уезду ў краіну для некаторых замежнікаў вырашылі спрасціць. Зараз тыя замежныя грамадзяне, у якіх ёсць блізкія сваякі з расійскім пашпартам, змогуць афармляць візы ў спрошчаным парадку. Блізкімі сваякамі будуць лічыцца жонкі, бацькі, дзеці, браты, сёстры, дзядулі, бабулі і ўнукі.
"Такія сваякі змогуць аформіць доўгатэрміновыя прыватныя візы з тэрмінам дзеяння да аднаго года, і зрабіць гэта можна будзе на падставе простай пісьмовай заявы нашага грамадзяніна", - расказаў прэм'ер-міністр Расіі.
Акрамя таго, з расійскага заканадаўства прыбяруць норму, згодна з якой замежнікам трэба кожныя тры месяцы выязджаць за межы РФ, каб захаваць сваё права на атрыманне візы.