МІНСК, 17 вер - Sputnik. Палітычныя падзеі ў Беларусі абмеркавалі намеснік кіраўніка МЗС Расіі Андрэй Рудэнка і пасол ЗША ў РФ Джон Саліван, паведамляецца на сайце ведамства.
Паводле інфармацыі міністэрства, тэлефонная размова адбылася па амерыканскай ініцыятыве. Асноўную ўвагу бакі надалі апошнім падзеям у Беларусі, а таксама сітуацыі ў Нагорным Карабаху.
У МЗС РФ у чарговы раз падкрэслілі недапушчальнасць якога-небудзь умяшання ва ўнутрыпалітычныя працэсы суседняй дзяржавы, спробаў дэстабілізацыі і навязвання звонку аднабаковых пасрэдніцкіх паслуг.
"Была адзначана перспектыўнасць ініцыятывы правядзення канстытуцыйнай рэформы, нацэленай на лібералізацыю палітычнай сыстэмы Беларусі, з прыцягненнем да гэтага працэсу прадстаўнікоў грамадзянскай супольнасці, працоўных калектываў і дзелавых колаў", - гаворыцца ў паведамленні.
Раней прэзідэнт Беларусі Аляксандр Лукашэнка на сустрэчы са сваім расійскім калегам Уладзімірам Пуціным у Сочы пацвердзіў намер правесці канстытуцыйную рэформу ў краіне.
Чытайце таксама:
- Апазіцыя рыхтуе спіс сілавікоў, якія злоўжывалі уладай
- Кіраўнікі Канады і Германіі абмеркавалі па тэлефоне сітуацыю ў Беларусі