МІНСК, 22 вер - Sputnik. Беларуская "дачка" Сбербанка мае праблемы з ліквіднасцю ў беларускіх рублях, паведаміў журналістам у аўторак кіраўнік Сбербанк Расіі Герман Грэф.
Пасля рэзкага скачка курса долара ў Беларусі многія мясцовыя банкі перасталі выдаваць спажывецкія крэдыты. Сярод іх апынуўся і БПС-Сбербанк. Прычыну гэтаму растлумачыў кіраўнік галаўнога офіса.
"У нас ёсць праблемы з ліквіднасць у нацыянальнай валюце, у беларускім рублі, як ва ўсяго рынку, таму што фактычна Нацыянальны банк сёння спыніў прадастаўляць ліквіднасць", - паведаміў Грэф у інтэрв'ю тэлеканалу "Расія 24".
Пры гэтым ён адзначыў, што з ліквіднасцю ў расійскіх рублях і астатніх валютах у фінансавай арганізацыі праблем няма.
Нагадаем, што напрыканцы жніўня "Нацбанк" прыпыніў аперацыі па падтрымцы ліквіднасці банкаў, аднавіць іх ён павінен быў з 15 верасня, аднак тэрмін ссунуўся практычна на месяц.