МІНСК, 28 вер - Sputnik. Нобелеўскі лаўрэат Святлана Алексіевіч выехала за мяжу на лячэнне, паведамілі ў прэс-службе Каардынацыйнага савета.
"Мы ад'езд пацвярджаем. Яна выехала на лячэнне. Ад'езд быў запланаваны даўно, але пераносілі ў сувязі з каронавіруснай сітуацыяй у некаторых краінах ЕС", - удакладнілі ў КС.
Раней памочніца Алексіевіч распавяла журналістам пра тое, што пісьменніца паляцела па сваіх асабістых справах, у яе запланаваны шэраг сустрэч у ЕС, кніжны кірмаш у Швецыі і атрыманне ўзнагароды на Сіцыліі. Яна запэўніла, што ад'езд Алексіевіч з Беларусі ніяк не звязаны з крымінальнай справай супраць Каардынацыйнага савета апазіцыі або з эміграцыяй.
Нагадаем, прадстаўнікі апазіцыі Беларусі, не згодныя з вынікамі прэзідэнцкіх выбараў, стварылі Каардынацыйнага савета для транзіту ўлады. Генпракуратура расцаніла гэта, як заклік да захопу ўлады, і ўзбудзіла крымінальную справу. У выніку частка прадстаўнікоў праўлення дадзенага фарміравання апынулася арыштаваная, частка выехала за мяжу.
У сярэдзіне верасня адзін з членаў савета беларускай апазіцыі, лідэр страйкаму МТЗ, Сяргей Дылеўскі, правёўшы 25 сутак у СІЗА, выйшаў на волю. У сваім інтэрв'ю РІА "Новости", ён распавёў, чаму неабходна падтрымліваць дружалюбныя адносіны з Расіяй.