МІНСК, 29 вер - Sputnik. Сваімі войскамі каля межаў Беларусі і Расіі НАТА імкнуцца разбурыць ваенны саюз паміж гэтымі двума краінамі, такое меркаванне выказаў намеснік міністра абароны Расіі Андрэй Картаполаў.
"НАТА працягвае нарошчваць баявы патэнцыял і актыўнасць у Еўропе. Разгортванне ваеннай інфраструктуры НАТА узмоцненымі тэмпамі вядзецца ў Прыбалтыцы. Галоўная мэта пашырэння ваеннай актыўнасці - дэмантаж ваеннага саюза Беларусі і Расіі", - заявіў ён на форуме рэгіёнаў Беларусі і Расіі.
Картаполаў паведаміў, што Расія пры любых умовах выканае свае абавязацельствы па абароне Саюзнай дзяржавы, і дадаў, што яна прымае меры ў адказ у процівагу размяшчэнні войскаў НАТА. У якасці прыкладу ён прывёў вучэнні "Шчыт саюза" і "Славянскае брацтва".
Гаворачы пра Беларусь, Андрэй Картаполаў назваў яе не толькі бліжэйшым суседам Расіі, але і "надзейным ваенным саюзнікам". Таксама ён паведаміў, што ў кастрычніку на тэрыторыі рэспублікі пройдуць вучэнні "Непарушнае брацтва".