Электроны ў агульнай энергасетцы немагчыма адсачыць, кажа суразмоўца Sputnik, таму балтыйскі байкот - гэта больш юрыдычнае азначэнне аб тым, каб у трэйдараў ў далейшым не было кантрактаў на пастаўку энергіі з балансу выпрацоўкі беларускай АЭС.
Што датычыцца агульнага байкоту электраэнергіі з БелАЭС, пра які ўсё ж такі дамовіліся Латвія, Літва і Эстонія, то літоўскі бок заяўляў пра такі намер ўжо неаднаразова, нагадвае эксперт.
"Юрыдычна куплі ад гэтай крыніцы не будзе - гэта факт. Але фізічна электроны ўваходзяць у сістэму і далей размяркоўваюцца па сетцы. Палітычна - мы ўсе разумеем, яны ж не гавораць, што прама сёння экстраным чынам дэмантуюць БРЭЛЛ, таму што яны да гэтага не гатовыя", - разважае Пікін.
Прыбалтыка разлічвае на энергетычную сувязь са скандынаўскімі краінамі, акрамя таго, балтыйскія краіны цяпер "будуюць у сябе што-небудзь з аднаўляльных крыніц энергіі", дадае эксперт.
"Літве, як мы ведаем, грошай на новую атамную станцыю не далі, праект забракавалі, немагчыма пабудаваць такую крыніцу энергіі - гэта таксама фактар, які блакуе прыняцце беларускай АЭС", - кажа Пікін.
Па ўсёй бачнасці, скандынаўская электраэнергія для Балтыі выйдзе даражэй, чым магла б каштаваць беларуская, акрамя таго, атрымліваць энергію з мінімальнай транспарціроўкай балтыйскім краінам было б прасцей, і мець доўгатэрміновы кантракт з беларусамі таксама было б больш выгадна, лічыць суразмоўца.