Каб ацаніць сапраўдную колькасць людзей, якія кантактуюць з каронавірусам, колькасць выяўленых урачамі заражаных трэба памножыць на 10, адзначыў суразмоўца. Такім чынам вядомы расійскі імунолаг пракаментаваў прадстаўленыя СААЗ дадзеныя аб тым, што ў свеце выяўлена больш за 35 млн выпадкаў каронавіруса, аднак рэальная колькасць заражэнняў можа быць у 20 разоў больш і дасягаць 10% сусветнай папуляцыі, то бок інфікаваныя могуць быць 780 млн чалавек.
"Калі цяпер гавораць аб 35 мільёнах, я памнажаю гэта на 10 і атрымліваю 350 мільёнаў. Гэта людзі на планеце, што кантактуюць з вірусам. Так, гэта праўда. Як ставіцца да гэтай лічбы? Трэба ставіцца так - скончыцца эпідэмія тады, калі сфармуецца планетарная імунная праслойка, ад 60% насельніцтва ўсёй планеты пачнецца тармажэнне, да 80% наступіць канчатак пандэміі", - кажа Жамчугоў.
Распаўсюджванне віруса паскарае завяршэннек пандэміі, гэта станоўчы эфект, падкрэслівае спецыяліст.
"Любая надзвычайная сітуацыя на планеце выклікае ўсплёск рэакцыі людзей, у якіх слабая псіхіка. Яны не могуць адэкватна ацаніць небяспеку і зрабіць прагнозы... Вядома, псіхіятрычныя службы кансультацыі па тэлефоне ці ў інтэрнэце павінны растлумачыць, што сітуацыя пад кантролем, нічога не адбываецца, гэта нармальная рэакцыя на эвалюцыю", - адзначыў імунолаг.
Нагадаем, раней на спецыяльнай сесіі Сусветнай арганізацыі аховы здароўя кіраўнік службы надзвычайных сітуацый СААЗ Майкл Раян заявіў, што па бягучых ацэнках каля 10% насельніцтва свету можа быць заражана гэтым вірусам. Пры гэтым прадстаўнік СААЗ удакладніў, што прыведзеная ім ацэнка сітуацыі "не самая пэсымістычная".
На думку прадстаўніка СААЗ, "пераважная большасць людзей у свеце застаюцца ў небяспецы, пандэмія будзе развівацца". Захворванне на каронавірус цяпер расце ў Паўднёва-Усходняй Азіі, у Еўропе і Усходнім Міжземнамор'і, смяротнасць у гэтых рэгіёнах таксама падвышаецца, у той жа час сітуацыя ў Афрыцы і заходняй частцы Ціхага акіяна выглядае "больш пазітыўнай".