Самыя родныя: атмасферныя фота да Дня маці

Сённяшнюю фотастужку Sputnik прысвячае мацярынскай любові. Сапраўднай, самай шчырай і самаахвярнай.

Фатаграфіі нашага карэспандэнта Марыі Амеліна зробленыя ў розны час і ў розных кутках Гомельскай вобласці.

Марыя заўсёды звяртае ўвагу на дэталі, таму яе фота могуць "расказаць" больш, чым класічныя партрэты. Прычым абсалютна ўсё роўна, дзе яна знаходзіцца і ў які час адбываецца здымка.

Серыя фотаздымкаў пад назвай "У клапатлівых руках мамы" здольная пагрузіць любога ва ўспаміны пра дзіцячыя гады. Здымкі дораць нам радасць, здзіўленне і нават хваляванне.

1 / 18

У Беларусі Дзень маці адзначаецца 14 кастрычніка.

2 / 18

На святкаванні Дня беларускага пісьменства ў Рагачове было шмат мам з дзецьмі.

3 / 18

Масленіца ў Гомелі заўсёды багатая на бліны, а з рук мамы яны ўдвая смачнейшыя.

4 / 18

Матчына любоў падкажа, як знайсці шлях да сэрца нават самага калючага дзіцяці.

5 / 18

У аграгарадку Карма Добрушскага раёна на святкаванні дня нараджэння святога праведнага Іаана Кармянскага пастырскую пропаведзь слухалі і самыя маленькія паломнікі.

6 / 18

Школьны кірмаш у паўмільённым Гомелі часам стварае падставы для слёз. Хто ў такія хвіліны пашкадуе? Вядома, мама.

7 / 18

У дзевяцітысячным Ельску некалі капрызіць. У Стаса куча спраў - дапамагчы маці паліць кветкі ў агародзе, напрыклад.

8 / 18

Добра, калі шмат братоў і сясцёр. Фота зроблена на святкавання Дня моладзі ў Гомелі.

9 / 18

Былая мінчанка Анастасія Блоцкая з сям'ёй жыве ў аграгарадку Верасніца Жыткавіцкага раёна. Насця ўзначальвае раённую арганізацыю "Ахова птушак Бацькаўшчыны". Замест казак на ноч - арніталагічныя даведнікі.

10 / 18

Клапатлівыя маміны рукі. Фота зроблена на фестывалі народнага гумару ў Аўцюках.

11 / 18

У Беларусі каля 350 тысяч сем'яў выхоўваюць дзяцей да трох гадоў.

12 / 18

Пакуль у школах не вучаць дзяцей разумець старажытныя арнаменты на ручніках, гэта робяць актывісты моладзевай краязнаўчай грамадскай арганізацыі "Талака".

13 / 18

За дзецьмі заўсёды трэба сачыць, - каму, як ні маме гэта лепш за ўсіх ведаць.

14 / 18

Падумалі, сястра з братам? Не, Ганна Царова са сваім сынам Данілам на адпачынку ў вёсцы. Радня называе маладую маму ласкава Нюшай.

15 / 18

Фіналістка конкурсу "Місіс Гомель" Яўгенія Савіна са сваім сынам на сямейным дэфіле.

16 / 18

У Гомелі жывуць мамы розных нацыянальнасцяў. Штогадовае свята нацыянальных культур аб'ядноўвае яўрэяў, азербайджанцаў, цыган, туркмен, грузін, сірыйцаў, індусаў, казакоў, украінцаў, рускіх.

17 / 18

Шпацыр па родным горадзе з любімай мамай.

18 / 18

Любое дзіця па-сапраўднаму шчаслівае, толькі калі побач мама.