МІНСК, 5 ліс - Sputnik. Беларусь і раней здабывала нафту на тэрыторыі Расіі, таму купля яшчэ аднаго радовішча не стане сенсацыяй у эканамічных адносінах краін-суседак, заявіў РІА "Новости" генеральны дырэктар Фонду нацыянальнай энергетычнай бяспекі Канстанцін Сіманаў.
"Разглядаць гэта як нейкую сенсацыю не варта, як панацэю для Беларусі - таксама не варта. Гэта падаецца Лукашэнку як нейкі прарыў, але ніякага прарыву тут няма", - сказаў РІА "Новости" Сіманаў.
Гаворка ідзе пра тое, што новым радовішчам будзе валодаць не краіна Беларусь, а асобная арганізацыя - "Беларуснафта", падкрэсліў эксперт.
Учора падчас тэлефоннага званка Аляксандра Лукашэнкі і Уладзіміра Пуціна, з боку беларускага лідара прагучала просьба аб куплі радовішча нафты ў Расіі. Расійскі калега падтрымаў гэтую ідэю.
Беларусь здабывае нафту ў Расіі не першы год
Нагадаем, Беларусь здабывае нафту ў Расіі на працягу дзесяці гадоў. У 2010 годзе для гэтых мэтаў была створана арганізацыя ААТ "Нафтавая кампанія "Янгпур"- даччыная кампанія "Беларуснафты". Сама здабыча чорнага золата стартавала ў 2013-ым.
Беларускія спецыялісты атрымліваюць нафту з нетраў Ізвесцінскага (тысяча кв. км.) і Паўднёва-Тыдэоцінскага (амаль 500 кв. км.) участкаў, якія знаходзяцца ў Ямала-Ненецкай аўтаномнай акрузе. Яшчэ на шасці радовішчах "Янгапур" вядзе распрацоўкі.
У 2019 годзе кампанія здабыла 206 тысяч тон чорнага золата, годам раней - 193 тысячы тон.
Каму выгадная купля Беларуссю новых радовішчаў нафты?
Эксперт не лічыць, што для Расіі такое супрацоўніцтва будзе выйгрышным. "Беларуснафта" не валодае нейкімі дзіўнымі кампетэнцыямі або самавітымі грашыма для таго, каб стаць значным гульцом на рынку РФ ", - пракаментаваў Сіманаў.
Інвестары звычайна прыходзяць у Расію для рэалізацыі тэхнічна складаных праектаў, напрыклад, здабыча цяжказдабывальнай нафты ў Арктыцы, адзначыў эксперт.
Беларусі чакаць вялікага прытоку грошай пасля гэтай пакупкі таксама не варта, разважае Сіманаў. Прычынай таму - падатковы манеўр Расіі. Цяпер для Беларусі нафта з РФ танней, чым для Еўропы за кошт адсутнасці экспартнай пошліны. Да 2024 пошліна "абнуліцца на карысць падвышэння падатку на здабычу карысных выкапняў(ПЗКВ)". І Беларусь будзе вымушаная плаціць гэты падатак, што "з'есць" прыбытак ад больш таннай самастойнай здабычы, тлумачыць Сіманаў.
"Самавітае і лёгкае" радовішча ў Расіі Беларусі таксама не свеціць, упэўнены эксперт. Такіх праектаў у краіне-суседцы ўжо няма. Пры гэтым расійскія кампаніі штогод пастаўляюць у Беларусь каля 17-18 мільёнаў тон чорнага золата.
"Я вельмі сумняваюся, што прэзідэнт дазволіў Беларусі здабываць 18 мільёнаў тон. І зноў жа, добрых радовішчаў, такіх прынадных, дзе прыйшоў, ткнуў лапатай, і пайшла фантанам нафту, у Расіі сёння ўжо няма. Усё добрае даўно размеркавана. Прыйсці можна ўжо альбо на greenfield (абсалютна новы ўчастак, "чыстае поле" для працы - Sputnik), куды трэба ўкладваць сур'ёзныя грошы, альбо ў нейкія складаныя гісторыі. Нафты у нас шмат, але не просты", - сказаў на заканчэнне эксперт.