Мора журавін: як збіраюць ягады на Палессі

Беларусь і журавіны — непарыўныя. І хоць тэхналогія вырошчвання буйнаплодных журавін — амерыканская, да яе ставяцца, як да роднай, бо журавiны (раскрытыя кветкі на сцеблах нагадвалі продкам шыю і галаву жураўля) раслі на беларускіх балотах са старажытных часоў.

Буйнаплодныя журавіны больш за 30 гадоў вырошчваюць на пінскім прадпрыемстве "Палескія журавіны", куды і выправіўся Sputnik, каб паглядзець, як журавінавае поле заліваюць вадой і зграбаюць чырвоныя ягады да месца выбаркі на прычэп.

Збіраюць тут і сухія журавіны старым дзедаўскім спосабам — iх адправяць на экспарт і там ужо будуць варыць журавінавы соус да каляднай гусі.

Чытайце таксама:

1 / 14

Збор журавін на плантацыях ААТ "Палескія Журавіны" ажыццяўляецца двума спосабамі – усухую і ў вадзе.

2 / 14

Журавінавыя плантацыі запаўняюць вадой і бонамі пачынаюць падцягваць ягады да месца збору.

3 / 14

Трактары абіваюць ягады, каб яны падняліся на паверхню вады.

4 / 14

На зборы амерыканскіх журавін задзейнічаны айчынныя машыны.

5 / 14

Журавіны загружаюць на транспарцёр.

6 / 14

І пасля – на прычэп.

7 / 14

Работнікі ў рыбацкіх ботах заходзяць у ваду і зграбаюць ягаду.

8 / 14

Ручны сухі збор – таксама праца нялёгкая, карпатлівая. Такія "сухія" журавіны пойдуць на экспарт.

9 / 14

"Мокрыя" журавіны сартуюць, фасуюць і замарожваюць.

10 / 14

Буйнаплодныя журавіны не менш карысныя, чым лясныя – багатыя на вітаміны А, С і Е, утрымліваюць натуральныя антыбіётыкі і прабіётыкі, з'яўляюцца выдатнай крыніцай антыаксідантаў, арганічных кіслот, селену, марганцу і медзі.

11 / 14

Максімальны ўраджай з 1 гектара – 30 тон журавін.

12 / 14

Ягады журавін – буйныя, памерам 2-2,5 см.

13 / 14

Журавіны валодаюць звязальнымі, супрацьзапаленчымі, антысептычнымі, мачагоннымі і дэтаксіцыйнымі ўласцівасцямі.

14 / 14

Журавінавыя прасторы – незабыўнае відовішча.