У мастацтве акно спрадвеку лічыцца сімвалам надзеі, пераменаў ці крока ў невядомае. Гэты архітэктурны элемент у сваіх карцінах выкарыстоўвалі многія мастакі, у тым ліку да Вінчы, Санці, Далі, і нават улюбёнец і гордасць усіх беларусаў Марк Шагал.
Не змог застацца ў баку ад сусветных мэтраў і фотакарэспандэнт Sputnik Альфрэд Мікус. Падчас летняга шпацыру па вёсцы Свяцілавічы Веткаўскага раёна ён захаваў на сваіх здымках разьбяныя драўляныя вокны. Гэта не музей ці галерэя, а ўтульная беларуская вёска і фантазіі мясцовых майстроў.
Прапануем узгадаць лета, зладзіць фоташпацыр і атрымаць асалоду ад народнага мастацтва.