Па дадзеных ААН, сёння каля 4,2 мільярда чалавек не маюць доступу да чыстай пітной вады і санітарна-гігіенічных сродкаў. Адсутнасць элементарных нормаў гігіены пагражае многім краінам распаўсюджваннем смяротна небяспечных інфекцый, такіх як халера і брушны тыф, а таксама вірусаў, як, напрыклад, COVID-19. Каб інфармаваць сусветную супольнасць аб гэтай праблеме, 19 лістапада арганізацыя адзначае Міжнародны дзень прыбіральні.
У гэтым годзе ў ААН асаблівую ўвагу звяртаюць на тое, як уплывае на санітарыю змяненне клімату. Справа ў тым, што паводкі, засухі і павышэнне ўзроўню мора пагражаюць сістэмам водазабеспячэння, ачышчальным збудаванням. Забруджванне калодзежаў, затапленне туалетаў можа стаць прычынай распаўсюджвання небяспечных захворванняў. Абараніць ад гэтага могуць надзейныя санітарна-гігіенічныя сістэмы, якія дазваляюць прадуктыўна перапрацоўваць адходы і нават атрымліваць экалагічна чыстыя ўгнаенні або энергію.
У Дзень туалета Sputnik прапануе паглядзець, якімі рознымі бываюць грамадскія прыбіральні: старадаўнімі, дызайнерскімі, супертэхналагічнымі, шакавальнымі.