МІНСК, 3 сне - Sputnik. Сто сем эскізаў цацак для галоўнай елкі краіны прапанавалі прадпрыемствы.
"Першае месца практычна аднадушна было аддадзена эскізу, які прапанаваў "Холадакамбінат №2 горада Мінска", - распавяла начальнік аддзела дызайну ГП "Мінскрэклама" Таццяна Бугаркова.
У дызайне цацкі прысутнічае вельмі зімовы элемент - вафельны стаканчык з марозівам. Яго вырабяць у некалькіх асобніках і ўсталююць на галоўнай ёлцы краіны.
Другое месца падзялілі калектывы завода грамадзянскай авіяцыі №407 і электрамеханічнага завода "Агат". Кожнае прадпрыемства прапанавала па эскізе сняжынкі - але ў сваім асаблівым стылі. На сняжынцы авіяцыйнага завода - чаканыя самалёцікі, а вось "Агат", які выпускае у тым ліку прадукцыю абароннага прызначэння, у цэнтр сняжынкі прапанаваў змясціць зубра.
Трэцяе месца ў навагодніх цацак ад ГУМ і "Беларусбанка". Банк прапанаваў змясціць у цэнтр цацкі домік.
"Вельмі сугучна з нашым лозунгам - "сядзім дома", - пракаментавала Бугаркова.
Усе цацкі плануюць размясціць на галоўнай ёлцы да 15 снежня.