Рэзідэнцыя Дзеда Мароза ў сафары-парку сустрэла першых наведвальнікаў - фота

Другі год запар адкрылася ў Сафары-парку Нацыянальнага парку Прыпяцкі рэзідэнцыя Дзеда Мароза. У мінулым годзе ў святочныя дні Каляд і Новага года тут пабывала больш за 15 тысяч наведвальнікаў.

Гасцей рэзідэнцыі чакае падарожжа па сафары-парку, а таксама займальнае прадстаўленне ў рэзідэнцыі Дзеда Мароза і яго ўнучкі Снягуркі.
Як выглядае рэзідэнцыя і чым забаўляюць яе гасцей - глядзіце ў фотастужцы Sputnik.

1 / 15

Другі год запар адкрылася недалёка ад аграгарадка Ляскавічы рэзідэнцыя Дзеда Мароза.

2 / 15

Праграма наведвання пачынаецца з экскурсіі па капішча, месцы, дзе ў старажытныя часы размяшчалася месца пакланення багам славянамі-язычнікамі.

3 / 15

Павязаўшы рознакаляровыя стужачкі на дрэвах і канатах, госці па паганскім абрадзе могуць загадаць любыя свае навагоднія жаданні паганскім багам.

4 / 15

Гасцей прывозяць да хаткі бабы Ягі, якую акрамя гаспадыні насяляюць зробленыя з дрэва скульптуры міфічных Лесавіка, Аўкі, Кікімары, Русалкі і падманшчыца Маны.

5 / 15

Затым на аўтобусе запаведніка пачынаецца гадзіннае падарожжа па сафары-парку.

6 / 15

Часта можна сустрэць высакародных аленяў і еўрапейскіх казуль, ласёў і дзікоў, зайцоў і лісіц, якія вольна гуляюць па лесе.

7 / 15

У мінулым годзе ў святочныя дні Каляд і Новага года тут пабывала больш за 15 тысяч наведвальнікаў.

8 / 15

Самае вясёлае і цікавае чакае гасцей па прыездзе з ляснога падарожжа ў рэзідэнцыі Дзеда Мароза і яго ўнучкі Снягуркі.

9 / 15

Тут праходзяць конкурсы, спаборніцтвы, песні і танцы каля навагодняй прыгажуні елі.

10 / 15

Па звычаі Дзед Мароз запальвае святочныя агні, а баба Яга і Кікімара спрабуюць яму перашкодзіць у гэтым.

11 / 15

Але, як заўсёды, у казцы перамагае дабро.

12 / 15

Усе персанажы рэзідэнцыі ў звычайным жыцці супрацоўнікі нацпарка Прыпяцкі. Вядучы інжынер па ахове працы Мікалай Дзербень другі год паспяхова спраўляецца з галоўнай роляй Дзеда Мароза. А Снягурка - Таццяна Новікава - працуе ў запаведніку эканамістам.

13 / 15

Яшчэ адзін з галоўных персанажаў цяперашняга Новага года Бык - інжынер паляўнічай гаспадаркі Уладзіслаў Палуян літаральна вынес на сваіх волатаўскія руках Снягурку з рэзідэнцыі да гасцей свята.

14 / 15

Навуковы супрацоўнік Алеся Ільінская пераапранаецца ў Кікімару, а яе сяброўка баба Яга - Надзея Салаўян працуе бухгалтарам. Бухгалтар і Вольга Савошка, абрала ролю Ружовай Свінні.

15 / 15

Пасля забаў каля елкі ўсіх гасцей чакае гарачая гарбата з блінамі.