МІНСК, 15 сне - Sputnik. Усяго ў Мінску ў рамках святкавання Новага года запланавана больш за 130 мерапрыемстваў, сярод якіх акцыя "Нашы дзеці", навагоднія балі, тэатралізаваныя паказы на Кастрычніцкай і Ратушнай плошчах, святочныя гулянні і кірмашы, распавялі ў Мінгарвыканкаме ў аўторак.
Будзе і сяміхвілінны феерверк у навагоднюю ноч. Яго запусцяць з агнявой кропкі ў Аляксандраўскім скверы ў 01:30. Асаблівую ўвагу нададуць ў Мінгарвыканкаме бяспецы ў месцах збору людзей. У прыватнасці, правераць усе пляцоўкі, дзіцячыя сады і школы на прадмет адпаведнасці неабходным нормам і патрабаванням.
Таксама ўначы з 31 снежня на 1 студзеня метро будзе працаваць да 3:00, а наземны грамадскі транспарт да 4:00.
Чытайце таксама:
- Рэзідэнцыя Дзеда Мароза ў сафары-парку сустрэла першых наведвальнікаў - фота
- Дадатковыя цягнікі прызначаны на час навагодніх святаў
- Як будуць працаваць паліклінікі і аптэкі ў навагоднія святы